بعد انفصالها.. رضوى الشربيني تتحدث عن مواصفات زوجها المستقبلي
وكالات- مصدر الإخبارية
تحدثت الإعلامية المصرية رضوى الشربيني، عن المواصفات التي تتمناها في حال أقدمت على خطوة الزواج مرة أخرى، بعدما انفصلت منذ فترة طويلة عن زوجها.
وقالت الشربيني في “تصريحات تليفزيونية”: “عايزة الراجل يكون قادر علشان أنا ست قادرة، وعلشان العفو عند المقدرة، وكل ما هيكون راجل قادر كل ما مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على عيوبي”.
وأردفت: “يكون راجل قوي ويقويني ويبقى ضهري وسندي، ويتكلم معايا في البرنامج والحياة، ويستعمل قوته معايا مش عليا، ولو قرر إنه مش عايزني مش هيعمل حاجة تجرح رضوى الشربيني غير إنه هيتواجه معاها ويقول أنا آسف مش قادر أكمل”.
وتابعت: “لازم يكون ناجح ومقدرش أتجوز راجل مش ناجح ولا أنا أنجح منه، ولازم يكون عنده طموح ويتقي ربنا في معاملة البني آدمين وأنا مش أولهم، والدته ووالده، ولازم يكون بيحبني أوي ويهتم فيا”.
وأكملت رضوى الشربيني: “يكون حنين وطيب ودمه خفيف ومقدرش أتجوز راجل دمه مش خفيف أبدًا، ولازم يبقى شيك في نفسه وخفيف كده، وخير اللهم اجعله خير صحيت من النوم”.
اقرأ/ي أيضًا: بعد ظهورها بمسلسل جعفر العمدة.. كيف خسرت مي كساب وزنها الزائد؟
