الفنانة سمية الخشاب: أنا أحلى من جورجينا (فيديو)
وكالات- مصدر الإخبارية
قالت الفنانة سمية الخشاب إنها “أحلى” من عارضة الأزياء الأرجنتينية جورجينا رودريغيز، صديقة نجم كرة القدم كريستيانو رونالدو.
وأضافت الخشاب، لبرنامج “كتير هالقد” عبر قناة MTV اللبنانية، “أنا عندي مشاعر بريئة تجاه رونالدو وبحب دماغه وتركيزه ولعبه؛ لأنه شخص مضيع عمره في التمرين”.
وأوضحت أنها تحب محمد صلاح نجم الكرة المصرية؛ لأنه “راجل صعيدي وأنا بحب الصعايدة لأنهم أجدع رجالة”.
وفيما يتعلق بمقارنتها بجورجينا، قالت الفنانة سمية الخشاب: “مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا”.
وتابعت: “أنا مش بغير من أي ست لأن ربنا خلقني جميلة وفيا كل حاجة. أغير ليه؟”.
وأردفت: “أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام، أنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا”.
وقالت الخشاب: “أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل”.
وأكملت الفنانة سمية الخشاب: “أنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في يدها ومعتقدش إني هعمل كدا”.
اقرأ/ي أيضًا: بعد تعرضها لحملة انتقادات.. أحمد حلمي يدعم زوجته منى زكي
