زيزي عادل عن سبب اعتزالها للفن: شغلانة كلها حرام (فيديو)

وكالات- مصدر الإخبارية

أوضحت الفنانة المصرية المعتزلة زيزي عادل، أن سبب تركها للفن لأنه يحدث به أشياء خاطئة، وأن كل ما يحدث به حرام.

وقالت عادل خلال لقائها في برنامج “كلام الناس” عبر قناة “mbc مصر”: “الغناء فيه أساسيات لازم تتعمل عشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، زي كلام الأغنية لأنه سواء فيه حب أو هجر أو عتاب وبيكون فيه تحريك للمشاعر، والفكرة كلها على بعضها حرام”.

وأضافت: “لما أطلع على الاستيدج لازم ألبس فستان وأتحرك مع المزيكا أكيد مش هقف تمثال، وكان فيه حاجة بتضايقني جدًا في الحفلات مش عندي قدرة ألغيها وأنها أن اللي حاضر بصورني من زوايا زي ما هو عاوز وبيجيب من الحتة اللي عاوزاها ومش عندي الحق أقول له ما تصورش”.

وأردفت زيزي عادل: “أنا معرضة أني أتصور على كل موبايلات الناس.. وسألت نفسي ليه أكون متاحة لكل الناس وعلى كل التليفونات.. ليه ماكنش ست قاعدة في بيتي مش متاحة لكل الناس؟ وممكن كل الناس تتفرج على صوري فلقيت أني مش حابة أكون متاحة لكل الناس، وحابة أكون بتاعتي”.

وتابعت عادل: “طريقة لبسي اتغيرت وحاولت أكون محتشمة يمكن ناقصني الطرحة وبدعي ألبسها وحلو الواحد”.

اقرأ/ي أيضًا: شيرين عبد الوهاب تتعرض للهجوم بسبب حفلها: بحاجة لعلاج نفسي