تامر حسني يقدم مجموعة نصائح للتخلص من العادات السيئة ومجاهدة النفس

وكالات- مصدر الإخبارية

قدم الفنان المصري تامر حسني، لائحة نصائح للتخلص من “العادات السيئة” و”مجاهدة النفس”، قائلًا إنه اقتبسها من تجربته الشخصية ومن اطلاعه الواسع على الكتب المتخصصة في هذا المجال.

ونشر حسني صورة له عبر حسابه “إنستغرام”، وعلق عليها برسالة طويلة قال فيها: “يوم جميل على الجميع كالعادة مش بعتبركم محبين فقط لا انا دايماً بشوفكم ناس من أهلي حتى لو بعضكم معندوش الاحساس دا تجاهي، انا بقى عندي تجاهكم كلكم الاحساس دا و دا احساس ربنا زرعه فيا معرفش ليه و معرفش ليه مزروع فيا بالقوة دي عشان كدا اقسم بالله اي خير بعرفه بحب انقله ليكم فوراً”.

تابع: “كنت بقرأ موضوع مهم اوي بما اني مجنون قراءه و سماع حبيت اكلمكم عنه و هو ((مجاهدة النفس )) واثق اننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل و في ناس للأسوأ وكلامي لكل شخص حاسس من جواه انه متضايق و عنده خطأ في فكره او عقيدته و قناعته او عاده سيئة ومعصيه ثابته مش عارف يتخلص منها او صفه في شخصيته مش كويسه و فاقد الامل في تصليحها”.

وأردف: “عشان يصلحها و يتغير لازم اول حاجه يعترف بيها قدام نفسه و ميقاوحش و يبرر وجودها، لازم يشوفها يبقى أولا تعترف بيها قدام نفسك، وثانيا تاخد قرار حاسم في بدء الإمتناع عنها، وثالثا تدرس المقابل لها في الصالح و تسعى في اتجاهه”.

وعن تأثير الأصحاب وقدم الخطوة الرابعة، قال تامر حسني: “اختار أصحاب صفاتهم بعيده عن هذه العيوب و العادات المشابهة”.

وأضاف تامر حسني: “اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الاصلاح 100 مره عادي، خد كمل في اصرارك على التغيير و التطوير و خد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك و كسبت التحدي”.

اقرأ/ي أيضًا: شيرين عبد الوهاب تكشف عن تعرضها لمؤامرة كبيرة