للمرة الأولى.. دوللي شاهين تكشف تعرضها للخيانة
وكالات- مصدر الإخبارية
أكدت الفنانة اللبنانية دوللي شاهين، أنها تعرضت للخيانة الزوجية مرتين، لكنها اكتشفت الخيانة دون بذل أي مجهود.
وكشفت شاهين، خلال استضافتها في برنامج “البخت”، تفاصيل تعرضها للخيانة للمرة الأولى، قائلة: “كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة رعب في البيت”.
وتابعت: “وأنا واقفة عند أوضة النوم برتب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب”.
وأردفت: ” مواجهتش جوزي الانتقام طبق الأحلى إنك تاكليه وهو ساقع، ربنا جابلي حقي لغاية عندي، ولقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي. كان كرم أخلاق مني وإديتها أجرها”.
وأضافت دوللي شاهين: “جوزي كان مصور فوتوغرافي في الكليب، ومش عارف إن صاحبته موجودة، هي انهارت وهو بقى مصدوم، وحلف إنه ميعرفهاش، وأنا قلت خرجوهم برا وكملت يومي عادي”.
و عن الخيانة التي تعرضت لها، قالت دوللي شاهين: “جوزي كان مقيم في مصر، وأنا كنت راجعة من لبنان عشان مدرسة بنتي، ولقيت حاجات نسائية على سريري مش بتاعتي، والموضوع كان خلصان لكن كنت مكملة عشان خاطر بنتي”.
اقرأ/ي أيضًا: قبل الترشح.. مصطفى كامل يلجأ لدار الإفتاء قبل الترشح لرئاسة الموسيقيين
