ما حقيقة اعتزال نادية الجندي الفن؟
وكالات- مصدر الإخبارية
ردت الفنانة المصرية نادية الجندي، حقيقة الأنباء التي تم تداولها أخيرًا حول اعتزالها الفن بعد غيابها عن المشاركة في أي عمل منذ سنوات، رغم نشاطها عبر مواقع التواصل الاجتماعي.
وقالت الجندي خلال لقائها ببرنامج “حبر سري”: ”أنا من غير الفن لا أسوى شيء، وأنّ الفن بالنسبة لي هو الغذاء الروحي، وعمري ما هعتزل الفن تمامًا في الوقت الحالي، فأنا نشيطة جدًا، واعتزالي مثل السمكة اللي بتطلع من المياه”.
وتابعت الجندي: ”ممكن اعتزل في حالة واحدة فقط، وهي لما جمهوري يبقى مش راضي عن أعمالي“.
وعن حقيقة ارتباطها بشاب، قالت: ”الشائعات كترت حواليا الفترة اللي فاتت بخصوص الارتباط والجواز، وهو بغض النظر عن إني مش ببص للشائعات دي ولا بتشغلني بس ليه لأ ليه متجوزش ومرتبطش؟ أنا كمان مش عندي مانع إني أتجوز في الوقت الحالي“.
وأوضحت نادية الجندي أن لديها مواصفات خاصة في الشخص الذي سترتبط به، مضيفًة: ”أنا كمان عندي مواصفات لفتى أحلامي، وهي إنه لازم يكون راجل وأحس أنه قد المسؤولية، لازم أحس بالحنان والأمان والصدق معاه، لازم يكون محبوب بين الناس عشان أقدر أعيش معاه“.
وأردفت نادية الجندي: ”أنا عارفة أن الصفات دي مش موجودة في الزمن بتاعنا دا، بالنسبة لي في مواصفات تانية للراجل غير سنه، وعادي جدا لو اتجوزت حد أصغر مني لأن مفيش قانون بيحط سن معين بين الراجل والست“.
اقرأ/ي أيضًا: شيرين تُهاجم منتج مسلسل بيت العيلة.. ماذا قالت؟
