دينا الشربيني تتحدث عن بدايتها بالتمثيل وعلاقتها في السوشيال ميديا

وكالات- مصدر الإخبارية

كشفت الفنانة المصرية دينا الشربيني، الكثير من الأسرار الجديدة حول حياتها الشخصية وبدايات رحلتها مع التمثيل والعمل، وعلاقتها بالفنان المصري عمرو دياب.

وذكرت الشربيني أن “ثقتها في الله كبيرة، وأنها تنتظر الأفضل في الفترة المقبلة”، مضيفًة: “اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة”.

وأضافت: “فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس”.

وعند بدايتها مع الفن قالت: “مامتي مكانتش موافقة إني أدخل التمثيل، وخدت وقتها ورشة تمثيل، وأنا في الورشة كانوا عايزين مذيعين في (دريم)، وكان في حد هناك قالي تعالي إعملي انترفيو، وقولت لـ بابا ووافق وقالي (اشتغلي مذيعة وفي نفس الوقت هتاخدي خبرة)، وكان الموضوع خطوة في حياتي ومكانش طموحي”.

وأردفت: “انتقلت بعد (دريم) لقناة (روتانا) وقدمت برنامج (عز الشباب)”، مردفًة: “قعدت 7 سنين في الجامعة، لأن كان عندي شغلي وقتها، وخدت ملاحق في تانية إعدادي وتانية ثانوي”.

وتابعت الشربيني: “علاقتي في السوشيال ميديا نيلة.. بحس إني مش شاطرة فيها وممكن أعك الدنيا وكمان الناس فيها متدخلين في حياة بعض أوي.. لكن بحب التيك توك”.

وخلال حديثها عن تجاربها التي تعلمت منها قالت: “اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تاني.. يعنى ممكن تبقي شايفة حاجة من برا بس عمرك ما تبقى عارفة إيه اللى جوا.. لذلك لا تحكم ولا تتكلم في الموضوع أصلا لأن عمرك ما هتعرف إيه اللي بيحصل”.

يُشار إلى أنّ دينا الشربيني كانت مرتبطة في 2018 بالفنان عمرو دياب وكانت دينا ضمن فريق عمل فيلمه الجديد والذي يدعي “الشهرة” والذي لم يعرض حتى الآن.

اقرأ/ي أيضًا: أغنية دنيا سمير غانم تتخطى الملايين خلال 5 ساعات من طرحها