محمد عيد في حالة اكتئاب: مضايق والمعاش لا يكفيني وكرهت الجواز

وكالات- مصدر الإخبارية

كشف الفنان المصري محمد عيد الصغير عن تفاصيل مشاركته في فيلم “الرجل الأبيض المتوسط”، برفقة الفنان المصري أحمد آدم والذي حقق نجاحًا كبيرًا وقت عرضه.

وذكر محمد عيد أن الفنان أحمد آدم مازحه كثيرًا في العمل، مردفًا:”استخبيت لـ أحمد آدم في الدولاب فمسك أيديا وقالي أنت حقيقي ولا لعبة”.

وبشأن قلة الاستعانة به في الأعمال الفنية تابع:”أنا زعلان ومضايق ودلوقتي عايش مع أخواتي، وقلة مشاركتي في أعمال فنية جايبلي اكتئاب ومضايقني، ومفيش حد دور صغير كله نساني باين، من أيام الرجل الأبيض المتوسط، النقابة مش بتديني فلوس، ومفيش دخل داخلى..أنا بشتغل في الكلاب وأربيها، عشان اكسب منها، بقول لشركات الانتاج أنا موجود أنتوا ركنتونا كلنا، ومشتاق للتمثيل لأنه مجالي، ودلوقتي عايش على معاش والدتي اللي هو 500 جنيه ومش بيكفيني أنا بصرف كتير”.

وأردف محمد عيد: “أنا مخلص ثانوية عامة، وقابلني كتير مواقف بايخه في حياتي ولكن أنا مبهتمش بالحاجات دي، ومعتش بزعل زي الأول من الناس اللي بتسخف، ومقدم على عربية دلوقتي عشان قدراتي، ومفيش شغلانه تانية غير التمثيل جسمي ميسمحش بشغلانه تانية، وكرهت الجواز”.

اقرأ/ي أيضًَا: نادين الراسي تشن هجومًا على وزير النقل اللبناني