حلا شيحة توضح حقيقة انفصالها عن زوجها معز مسعود
وكالات- مصدر الإخبارية
تحدثت الفنانة المصرية حلا شيحة، عن أنباء انفصالها عن زوجها الداعية الإسلامي معز مسعود، بسبب منشور كتبته عبر حسابها على “إنستغرام”.
وأثارت شيحة حالة من الجدل بعدما ظهرت في مجموعة من الصور نشرتها عبر “إنستغرام”، ظهرت خلالها برفقة أبنائها دون زوجها معز مسعود.
وكتبت على الصور: ”لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل.. ولحظات مع نفسنا بنتأمل فيها حياتنا.. كل أيامنا لحظات“.
وأردفت: ”عشان كدة مفيش حاجة تستاهل الزعل والتفكير الزيادة وأجمل حاجة إن الواحد لما يتعب أو يحس إنه تايه أو متلخبط لازم يبقى متأكد إن مشاعره بتقوله حاجات محتاج يعرفها أو يفهمها أو يفهم نفسه أكتر ونتعلم، مش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا، ونعاقب نفسنا ونحكم على نفسنا بالفشل.. الفشل إننا نسيب نفسنا جوا نفس المشاكل ونستسلم“.
وكتبت حلا شيحة منشور تنفي فيه انفصالها عن معز مسعود، قائلًة: ”لكل المتابعين والمحبين على صفحتي وفي الوطن العربي حابة اقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان كلام عام ولم أقصد بيه حد معين أبداً.. ومعز بعيد عن الكلام ده تماماً بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدًا”.
وتابعت: “في مشاكل أكبر بكتير وحاجات أهم بكتير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة… بالنسبة لحجابي أنا قلت بحاول زيي زي بنات كتييير وأكيد مش أحسن حاجة بس أنا كدة دلوقتي والحمد لله.. وأنا مش شيخة أنا إنسانة عادية جداً ليا حسناتي وليا سيئاتي والبشر كلهم كدة فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملايكة“.
اقرأ/ي أيضًا: غياب عادل إمام عن حفل زفاف ابنه شقيقه يثير قلق جمهوره
