إيمي سلطان: الرقص الشرقي علم وتاريخ وتراث مصري قديم

وكالات- مصدر الإخبارية

ردت الراقصة الاستعراضية المصرية إيمي سلطان على منتقدي الرقص الشرقي، قائلًة: “الرقص ما هو إلا علم وتراث مصري قديم من خلال رسمه على جدران المعابد المصرية منذ آلاف السنين”.

وذكرت سلطان خلال حوارها مع “القاهرة 24”: “مش محتاجة إني أرد على المنتقدين؛ لأننا بنتكلم في حاجة عبارة عن علم وليها مصادر تاريخية، وموثقة ولا نستطيع الجدال بشأنها، كما أنها مرسومة على جدران معابدنا منذ آلاف السنين، فاحنا مش هنتناقش مع حد هايف ومش دارس ومش فاهم حاجة”.

وتابعت: “اللي مش عاجبه الرقص الشرقي ده ممكن ميروحش يتفرج عليه ولا يقطع تذكرة عشانه، ولو شافه في التليفزيون ممكن يغير المحطة، ومنظومة الرقص مش محتاجة إني أدافع عنها، عشان واحد مش فاهم ومش عايز يفهم وكمان مش ذوقه”.

وأردفت إيمي سلطان: “كنت بحب زمان الكورة ولكن لقيت فريقي بيخسر كل شوية، فبطلت أحب الكورة ولا أشجعها، فبردو اللي مش عايز يتفرج ممكن مايتفرجش، وكمان ما نسمعلهمش”.

ولفتت إلى أنها بدأت بالتواصل مع المجلس الدولي للرقص الذي تم تأسيسه عام 1973، ومسؤول عن كل أنواع الرقص في العالم، وذلك لإقناعهم بإدراج الرقص الشرقي لهم، وبالفعل استطاعت إدراجه وحصلت على شهادة معتمدة منهم لمركز تعليم الرقص بي أيضًا، ومن ثم تواصلت مع اليونسكو لنسب الرقص الشرقي في المنظمة إلى مصر.

وأوضحت أن توثيق الرقص الشرقي في اليونسكو لم يكن أول أهدافها، ولكنها اكتشفت تهافت ثلاث دول قرروا الاشتراك لنسب الرقص الشرقي لهم، منابعة: فحاولت ألا يحدث معنا استحواذ ثقافي مثلما فعلت “إسرائيل” ونسبت الفلافل لهم، وانتصرت على تلك الدول ونسبت الرقص الشرقي لمصر.

اقرأ/ي أيضًا: بسبب أغنية نمت ننة.. صدام بين روبي ونعوم عصام