شاعر مصري يشن هجومًا على شيرين: لحد الآن مش عاجبني غُناها
وكالات- مصدر الإخبارية
هاجم الشاعر المصري بهاء الدين محمد الفنانة شيرين عبد الوهاب، عبر صفحته الشخصية “فيسبوك”، بعد إعلانها عن ندمها على أغنية “ما تجرحنيش” قائلاً: “لحد الآن مش عاجبني غنى شيرين”.
يأتي هجوم محمد بعد رد عبد الوهاب على سؤال أحد المتابعين عبر خاصية الستوري على “إنستغرام” ما أشعل خلافا كبيراً.
وقال محمد: “مش متعود أرد على أي حد ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجي عند بعض الأسماء ويحاسب ويخلي باله وخاصة لما حد ف كل كارثة يدافع عنها”.
وأضاف: “حتكلم باختصار جدًا: المشهد الأول “:أول يوم دخلت شيرين عبدالوهاب مكتبي كانت مع الأستاذ نصر محروس اللي هو صاحب الفضل في تقديمها وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء”.
وتابع: “المشهد الثاني: رشحتها تغنى كتير بنعشق ولولا موافقة نصر احتراما للعشرة اللي بنا ماكانتش ح تغنيها لأنها كانت موقوفة من النقابة، وتابع : “المشهد الثالث .. لما فوجئت بمدير أعمالها الرجل اللي أنا بأحبه وباحترمه لقيته بيكلمني نيابة عنها ويقولي سمعني الجديد وده طبعا خطأ لأن اللي بيغني مهما كان إسمه مش المفروض يغلط غلطة زي دي !!! لأن المشهد ده مش لايق على المشهد الأول”.
وأردف الشاعر المصري: “المشهد الرابع والأخير: أغنية ماتجرحنيش أنا لحد الآن مش عاجبنى غُنى شيرين، مع احترامي الكامل لصوتها وأكيد لولا الأستاذ نصر ماكانش حيتم اللقاء، وماتجرحنيش من أهم أعمالي ومن حقي أدافع عنها نتاج تهور اللي غنيتها”.
وأكمل محمد: “عشان أكتب الكلام ده يبقى شيرين غلطانة كالعادة بس كان لازم أقولها ماتعمليش كده تانب وأنت بتكبري بس مش حتعدي حدود حجم بعض الأسماء ولا أعمالهم”.
اقرأ/ي أيضًا: صفوة: تزوجت مدير أعمالي فسرق كل أموالي
