نهال عنبر: محتاجين ناس تزق معانا الأيام
وكالات- مصدر الإخبارية
نشرت الفنانة المصرية نهال عنبر عبر حسابها الخاص في “إنستغرام”، صورة لها وجّهت من خلالها رسالة إلى جمهورها حول الدعم الذي يحتاج إليه الإنسان في حياته.
وقالت عنبر: “الفترة دي ما ينفعش حياتك يكون فيها أي شخص بيضغط عليك، لأن أصلاً إحنا فى أيام تقيلة… إنتَ محتاج ناس مرنة جداً في تعامُلها، ناس ما بتُقفش على الواحدة وحطّاك طول الوقت تحت ضغط سواء بكلامها أو بتصرُّفاتها اللي بتضايقك إحنا محتاجين ناس تزُق معانا الأيام، ناس لما نتفق على ميعاد وما نقدرش نروحه يلتمسو لنا ألف عُذر ويقولوا مَفيش مُشكلة عادي وتتعوّض”.
وتابعت نهال عنبر: “ناس تفهم إننا تعبانين ومش كويّسين لكن بنحاول نبقى كويّسين فيساعدونا على دا وما يزهقوش ويمشو ويسيبونا محتاجين ناس تحسسنا وتفهمنا مش عايزين ناس نقعُد نبرر ليهم كلامنا ونفهّمهم قصدنا عشان بس نتجنب سوء ظنهم وندخل في جدال يهد حيلنا أكتر مما هو مهدود محتاجين ناس تقدّر ظروفنا وتفهمها بكل احترام”.
اقرأ/ي أيضًا: حنان ترك: صعبان عليا نفسي من صحابي معقول نسيوني؟
