ميرهان حسين تؤدي مناسك العمرة وتتساءل: إزاي حد ينكر وجود ربنا
وكالات – مصدر الإخبارية
نشرت الفنانة المصرية ميرهان حسين، صور لها أمام الكعبة أثناء تأديتها مناسك العمرة في المملكة العربية السعودية.
وقالت ميرهان حسين على الصور التي نشرتها عبر حسابها بموقع إنستقرام، من أمام الكعبة: “مع إن الصورة دي من أحب صوري لقلبي، اترددت أنزلها، أولًا خفت أن ده يأثر على ثواب حاجة بيني وبين رب العالمين، ثانيًا عارفة إن في ناس سطحية كتير هايكتبوا كومنتات كلها إيه يا طاهرة، إيه يا ست الشيخة، ويعملوا فيها أنهم مابيغلطوش أبدا، وجايين يحكموا على ناس زيهم أحكام هبلة وخلاص، وهما مايعرفوش اللي بينك وبين ربنا ولا عمرهم هايعرفوه”.
وتابعت: “بس قولت لأ مش هامشي ورا الفكر ده وهانزل صورتي اللي بحبها عشان فيها ذكرى وجودي في أطهر بقاع الأرض وأنا ضيفة في بيت الله الحرام، وبحتفل فيها بنعمة من أكبر النعم هي نعمة إن ليّا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه، إنما أمره إذا أراد شيئًا أن يقول له كن فيكون”.
وأردفت: “نعمة وجود ربنا في حياتنا أكبر من كل النعم، أنا حقيقي معرفش إزاي في ناس بتلحد وتنكر وجود ربنا والعياذ بالله، وفي منهم أصحاب ليّا وناس بقابلهم، ومع حبي ليهم بس بقولهم فايتكم أعظم حاجة في الوجود، أن يبقى ليك رب قادر على تحقيق كل اللي يتمناه قلبك ويسرح فيه خيالك، رب أكبر من كل كبير هو الأمان في الدنيا دي، وكل من عليها فان”.
View this post on Instagram
يُشار إلى أنّ آخر أدوار ميرهان حسين كان في مسلسل “أنا وهي”، عُرض أخيرًا على قناة CBC، وشارك في بطولته: هنا الزاهد، أحمد حاتم، أشرف عبدالباقي، محمود البزاوي، محمد ثروت، سلوى محمد علي، تأليف مصطفى حمدي، وإخراج سامح عبدالعزيز.
كما شاركت في مسلسل “نقل عام”، من بطولة الفنان محمود حميدة وسوسن بدر، سميحة أيوب، أحمد بدير، دينا، ريم البارودي، محمد محمود عبد العزيز، محسن محيي الدين، إيمان أيوب، عابد عناني، نهلة سلامة ومن إخراج عادل أديب.
إقرأ/ي أيضًا: إطلالة حماسية للفنانة مريام فارس في آخر حفلاتها بمدينة دبي
