خالد الصاوي: الفن أنقذني من الإدمان والإجرام

وكالات- مصدر الإخبارية

وجه الفنان المصري خالد الصاوي نصيحة للشباب بعدم إقامة أي علاقة خاطئة، منوهًا إلى أن الفن أنقذه من الدخول في طرق كثيرة خاطئة مثل الإدمان والإجرام.

وقال الصاوي، لـ”برنامج حبر سري المذاع عبر قناة القاهرة والناس”، إن الفن أنقذه من الدخول في طرق كثيرة خاطئة مثل الإدمان والإجرام.

وتابع: “الفن أنقذني من الإدمان والإجرام والجنان وكل حاجة وحشه، لأني مريت بكل حاجة وحشة وخدت خطوات في كل حاجة بس الفن انقذني اني مدخلش جامد في الحاجات دي”.

وعن نصحيته للشباب، ذكر بنصح الشباب أنهم مايشربوش أي حاجة غلط، ولا يعملوا أي علاقة غلط، ولا يأكلوا أي حاجة غلط، أنا عن نفسي راضي بس عن 50 بالمئة من حياتي، والـ 50 الباقيين نفسي استبدلهم بأي حاجة تانية، وبنصح الشباب دايما أنهم لو هياخدوا مني نصيحة ياخدوا 50 بالمئة الحلوة بس.

وأردف: “أنا على طول ضميري تعبني ومابعرفش أنام، لأني عصبي جدًا وبتعصب على كل الناس وبضيع شغل من أيدي بسبب العصبية دي وأرجع أندم على ده”.

وأضاف خالد الصاوي: “أوقات بظلم ناس كتير من غير ما قصد، وبعتذر على طول بعدها، ولو في حاجة أقدر أقدمها غير الاعتذار حقدمها”.

وأشار إلى أنه “يوجد في حاجات كتيرة ممنوعة في حياتي لسه مرغوبة، وزمان كان فيه ممنوع ومرغوب كنت بعمله، بس دلوقتي بقيت بعرف أسيطر على نفسي”.

اقرأ/ي أيضًا: وصية الفنانة رغدة لابنتها تثير الجدل عبر مواقع التواصل (فيديو)