حنان ترك: صعبان عليا نفسي من صحابي معقول نسيوني؟

وكالات- مصدر الإخبارية

خرجت الفنانة المصرية المعتزلة حنان ترك، في بث مباشر لجمهورها، عبر صفحتها الرسمية “فيسبوك”، طمأنتهم خلاله على حالتها؛ بعد تعرضها أخيرًا لوعكة صحية.

ووجهت ترك، الشكر لجمهورها وأصدقائها، قائلًة: “أشكر أسرتي على وقوفهم معي في مرضي الأخير، وبشكر الجمهور على دعواته اللي بفضلها أنا أحسن بكتير، وسعيدة إنكم معايا”.

وطالبت جمهورها بمساعدتها على التخلص ممن يتحدثون باسمها عبر الصفحات المزيفة على مواقع التواصل، وينشرون رسائل على لسانها دون أن يكون لها علاقة بها.

وتابعت: “عاوزاكم تساعدوني ضد أي حد بيتكلم على لساني.. في صفحات باسم الدين والسياسة بتتكلم على لساني.. وأنا عمري ما هتطرق للمواضيع دي.. لأني سياسيًا؛ جاهلة ومعنديش وعي ولا ثقافة سياسية.. وبالنسبة للدين.. لما اتحجبت من 2007.. ودرست علوم شرعية كان على سبيل النجاة وليس على سبيل الدعوة لأني أصغر من كده صعبت عليا نفسي من إن أصحابي وحبايبي زعلوا مني على حاجات مش على لساني معقول نسيوني أوي كده”.

وأردفت: “ربنا نصفني.. وكل الصفحات اللي بالملايين تراجعت.. ومش هسكت على أي حد اتكلم على لساني.. وبحذرهم يلغوا البوست ويشليوه.. لأني هبتدي آخد إجراءات”.

وقالت: “صعب أي حد يتكلم في موضوع باسم ربنا وعلى لسان الرسول لأنه محتاج علم وفقه والتأويل على الله موضوع كبير جدًا أنا فين والكلام ده فين أي حاجة تنزل على لساني.. أو يتقال إني بحلل شيء مليش علاقة بالكلام ده ولا بحرَّم ولا أحلَّل وأنا أصغر من إني أفتي.. وده له ناسه”.

وأضافت حنان ترك: لما تحب تاخد نصيحة.. خدها من أهل العلم.. والناس المسؤولين عن الفتوى.. ومصرح لهم تصريح رباني.. مش أي حد يقدر يديلك فتوى.. صعب عليا إن صحابي وحبايبي زعلوا مني.. على حاجات اتاخدت من جوايا.. معقول نسيوني أوي كده.. وخدت على خاطري منهم.. وربنا أنصفني.. وكل الصفحات اللي بالملايين تراجعت.. ومش هسكت.. أي حد اتكلم باسمي.. يلغي البوست ويشيله.. عشان هبتدي آخد إجراءات”.

اقرأ/ي أيضًا: أول ظهور للفنانة شيرين سيف النصر بعد غياب 12 عاماً