هاني شاكر: محمد رمضان لا يملك صوتا ولا موهبة للغناء
منوعات _ مصدر الإخبارية
صرح الفنان هاني شاكر نقيب الموسيقيين المصريين أثناء مقابلة تلفزيونية مع برنامج شربل يستقبل الذي يذاع على قناة “CNN عربية بأن محمد رمضان يملك صوتا ولا موهبة الغناء، وبعتبره مجرد ظاهرة ستتلاشى مع الوقت.
وأضاف هاني شاكر الحفلات في مصر لينا تقاليد وعادات غير أوروبا وأمريكا، واللى ينفع هناك ممكن مينفعش هنا، ومحمد قد يكون حب يعمل شيء مختلف وجديد، وهو مش مطرب أساسا وعايز يعمل شو وشكل مختلف، ولكن قد يكون الشكل المختلف ده غير مقبول فى مصر.
محمد رمضان يكون على المسرح نصه الفوقاني عريان وده احنا مبنشفوش بمصر غير منه وده مرفوض.
وذكر الفنان هاني شاكر بأنه قدم نصيحة للفنانة هيفاء وهبي بالنسبة بملابسها القصيرة جدا التي تلبسها على المسرح وقال: كانت هيفاء وهبي لابسة لبس خارج عن الطبيعي والعادي، وقصير زيادة عن اللزوم، وأنا تواصلت معها وكلمتها بمنتهى الحب، وهي طبعا بتحترمني وتحبني جدا، وقلت لها: المصنفات اعترضت على الصور اللي ظهرت، واللي ينفع يتلبس في أوروبا مينفعش يتلبس في مصر، وهي تقبلت كلامي.
ووجه هاني شاكر رسالة إلى نجوم الغناء بصفته نقيب الموسيقيين المصريين قائلا: كن حريصًا على تقديم الفن الراقي والجيد لأن هذا هو ما يعيش مع الجمهور، إضافة إلى الحفاظ على نفسك وجمهورك، والفنان في النهاية ملك جمهوره، ويجب عليك أن تراعي ربنا في الفن الذي تقدمه، يعني أنا ممكن أنجح وأنا طالع شبه مش لابس، وسهل قوي أطلع أعمل رقص غريب وملفت عشان أعمل تريند على السوشيال ميديا.
في السياق ذاته صرح نقيب الموسيقيين المصريين بأن موقفه من أغاني المهرجانات لم تتغير وقال أنا ولا مجلس إدارة النقابة بنعترف بحاجة اسمها المهرجانات، والنوع ده موجود عشان يقولوا أي كلام خارج، لكن الجانب الموسيقي من غير كلام، مفيهوش لا عيب ولا حرام، ودي نوعية من الأغاني، والأصوات اللي دخلت النقابة ونجحت قعدنا معاهم، وطالبناهم بالاهتمام بالمزيكا اللي بتتقدم، واهتمام بالرقي.
لي ولادنا قاعدين يتفرجوا عليه طول النهار، إحنا محتاجين فن مضاد زي المضاد الحيوي اللي بتاخده علشان تعدل المسيرة الفترة المقبلة.
ووجه رسالة إلى حسن شاكوش، قائلا: اشتغل على نفسك، ومرّن صوتك أكتر، وأقول لشيرين عبد الوهاب قلبي معاكي، لأني عارف إنها بتمر بظروف عائلية صعبة، وبدعيلها من قلبي إنها ترجع مرة أخرى، وتبقى مركزة في شغلها أكتر، وربنا يروقلها حياتها وقلبها، وهي صوت جميل وعلاقتي بيها من زمان.
