الضفة المحتلة – مصدر الإخبارية
في مشهد أثار إعجاب وتفاعل الآلاف، أنقذ الطبيب الفلسطيني مجاهد نزال طفلة رضيعة وصلت إلى المجمع الطبي في بلدة قباطية جنوب جنين، يحملها والدها وهي في حالة إعياء شديد وغياب عن الوعي، جراء انسداد مجرى التنفس.
الفيديو المتداول للحظات البطولية والإنسانية، قام الطبيب مجاهد بنشره على صفحته الشخصية على “فيسبوك”، مساء الجمعة، وكان للحظة دخول الوالدين إلى المجمع الطبي وهما في حالة فزع وخوف شديد بسبب اختناق رضيعتهما التي لم يتجاوز عمرها سنة وأربعة أشهر.
وخلال وقت قصير تمكن الطبيب نزال من إنقاذ الرضيعة بعد أن وضعها على كف يده، وقام بضربها عدة مرات على منتصف الظهر، لتبدأ الطفلة بعدها بالحركة والصراخ، وينهار الوالدين باكيين من شدة الفرح.
وكتب الطبيب مجاهد نزال عبر صفحته الشخصية تفاصيل الحادثة على النحو التالي:
“الثانية فجرا الا عشرة دقائق..
كان يوم شَديد ومُرهق
ما قدرت استنى اصل البيت عشان ارتاح
نمت على احد الأسِرَّه وغفيت للحظات
بس الموت
حسيت فيه
صراخ وصياح
الموت جاي لعندي
ركضت وانا نائم
الصراخ لسا ما وعّاني
كثير افكار وخربطات وتهيئات براسي والموت بعده الي مسيطر
حسيت راسي بده يفقع
عيوني لسا ما فتحوا
ما عندي لسا القدره انه استوعب ايش الي قاعد بصير
الاب بصرخ بصوت مبحوح : “ماتت ماتت مخنوقه..مشااان الله..مااااااتت”
الام بكاء بدون صوت
مش قادره تطلع الكلمه
الاب: “البنت ما بتتحرك”
أنا: “الله اكبر..يااا الله يااا الله”
حملت الطفله بلا وعي ولا ادراك
حملت جثه طفلة عمرها سنه واربع شهور
حملتها ولهون وقف قلبي
مددتها على ايدي اليمين ووجهها لتحت وضربتها مره وراء الثانية براحة ايدي الثانية على منتصف الظهر
لحظه وبكت الطفله
و بوقتها انا صحيت
رفعت راسي للسما
“يااا الله..الحمد الله”.
الاهل وانا دخلنا بصدمه لحظية من عظم الموقف
اجرينا مو قادرين يحملونا..قعدنا على الأرض
الأب: “شو صار بعدها عايشه..بعدها عايشه؟!”
أنا: “والله بعدها عايشه..هيها بتبكي”.
هاي اللحظات والمواقف من الحياة الي مستحل تتنتسى
لحظات بتحس فيها بعظم الروح، بتشعر وبتعيش غريزة الابوة والامومه، بتشوف قلب الام والاب كيف ممكن ينفطر على الفراق.. موقف بتحس بكونك طبيب، الله يسرك لهيك موقف، لتعيش هيك حاله وتكون سبب لانقاذ روح بتوفيق منه.
لحظات راح تكون مصدر لزيادة إيمان بما تفعل وتحب.”
اقرأ أيضاً: 15 نصيحة من الصحة العالمية للحفاظ على صحتك خلال رمضان
بدورها قامت وزيرة الصحة الفلسطينية، الدكتورة مي الكيلة، ببعث رسالة فخر وشكر إلى الطبيب نزال الذي قام بإنقاذ حياة الطفلة، وذلك من خلال منشور على صفحة وزارة الصحة الرسمية عبر “فيس بوك“.