وكالات- مصدر الإخبارية
وجهت الفنانة المصرية بدرية طلبة رسالة إلى طلاب الثانوية العامة، بالاجتهاد من أجل التفوق وتحقيق أحلامهم في المستقبل.
وقالت طلبة عبر حسابها “إنستغرام”: رسالة لولادي وحبايبي طلاب الثانوية العامة 2023.. ذاكروا يا جماعة والله مفيش فرحة تعادل إنك تعيش إجازتك في سعادة.. وتدخل الكلية اللي بتحلم بيها طول عمرك”.
وتابعت: “خليك دايما متفاءل.. خليك مع ربك.. أهم حاجة اسهر واتعب وذاكر عشان تلاقي في الآخر ثمرة مجهودك، ومش هقول لك أقفل على نفسك والجو ده.. لا أخرج والعب وروح وتعالى.. بس بحدود ودايما تكون المذاكرة هي نمبر وان في حياتك”.
وأردفت: “بإذن الله ربنا مش هيخذلك.. وربك بيقول في حديث قدسي: “أنا عند حسن ظن عبدي بي فليظن عبدي بي ما يشاء”.
وأضافت بدرية طلبة: ذاكر عشان متديش فرصة لحد يشمت فيك.. وخليك واثق إن ربنا مش هيضيع تعبك ومجهودك وفكروا في فرحة أهلكم يوم النتيجة، ولو التعب مجاش وقت النتيجة هييجي في أي وقت.. ربنا ما بيضيعش حاجة عنده.. هيفتح ليكم 100 باب تدخلوا منه.. وخليكوا واثقين إن ربنا هيحقق لكم حلمكم.. أنت قدها يا ولاد.. ربنا بيقول: “إِنَّا لا نُضِيعُ أَجْرَ مَنْ أَحْسَنَ عَمَلا”.
اقرأ/ي أيضًا: برنامج الدوم يستعرض مسيرة الراحل سمير غانم