وكالات- مصدر الإخبارية
قالت الفنانة المصرية شيرين عبد الوهاب، إنها لن تنسى سؤال العديد من الأشخاص عنها خلال أزمتها الأخيرة مع طليقها حسام حبيب، من بينهم الإعلامية لميس الحديدي، والفنانة ياسمين عبد العزيز والفنانة منة شلبي، موضحًة أنها تعلم جيدًا بوجود مشاكل أهم من مشاكلها الشخصية.
وقدمت شيرين، خلال مداخلة هاتفية إلى برنامج “كلمة أخيرة” الذى تقدمه لميس الحديدي، اعتذارها إلى الجمهور على الهواء، قائلة: “عاوزة أستغفر ربنا على الكذب اللي كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.. حسام حبيب ضربني وسحلني على الأرض وهو اللي حلق لي شعري”، وأنا من القلعة وممكن أروح أهد عليهم العمارة اللب قاعدين فيها، وعايزة حقي منه”.
وتابعت: “كدبت في حاجات كتيرة أوى لأنى بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى وأخلص منه”.
وأردفت: “أنا ست قاعدة في أمان الله مع بناتي، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبًا والبنات ماكانوش بيعرفوا يقعدوا معايا، لأنى كنت عايشة مع زوج مش بيشتغل تقريبًا، وكنت محبوسة 24 ساعة في غرفة نومي مش بعمل حاجة، قاعدة بس، وأنا غلطت فى حق نفسى، وكنت فاكرة إني بحافظ على بيتي لكنى اكتشفت إنه ماكنش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنة”.
وأضاف عبد الوهاب: “كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جنبه، ولا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعي أكون خدامة الرجل اللى أعيش معاه”.
وتحدثت عبد الوهاب كواليس خلافها مع حسام حبيب، قائلًة: “حسام سرق العربية من قدام البيت.. سرق العربية مستغلا تواجدى فى الساحل.. أنا خرجت من الجوازة دي بالوكسة والحسرة.. ده إنسان خطر، لازم أروح اتعالج من آثاره عليا”.
وأكملت: “كنت متكفلة بمصاريف بيته التاني (بيت والدى حسام حبيب).. طول عمره مابيشتغلش، وأهله باصين لى فى كل حاجة.. لو عملت أغنية ناجحة أمه هتقول اشمعنى ابنى.. حسام حبيب عاطل بالوراثة”.
وأكدت شيرين عبد الوهاب: “أنا أستاهل الضرب عشان طلعت قولت مابيخدش منى فلوس.. أنا آسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب”.
اقرأ/ي أيضًا: عائلة الموسيقار الراحل حسن أبو السعود ترد على سخرية شيرين