قاتل طالبة المنصورة نيرة أثناء التحقيق معه: اعدموني بس ادفنوني في حضنها

وكالات- مصدر الإخبارية

روى محمد عادل المتهم بذبح طالبة المنصورة نيرة أشرف أثناء التحقيق معه، بعد أن جاء تقرير الطب الشرعي المبدئي بأنه يتعاطى مخدر الاستروكس، إذ وقف المتهم في حالة من الإعياء نتيجة التعدي عليه بعد ارتكاب جريمته من المارة وزملاء نيرة، حيث أصيب بكدمات وجروح وكسر في ضلوع القفص الصدري.

وقف عادل أمام وكيل النيابة يصرخ: “بحبها وبعشقها، أنا كنت حتى مقدرش أعاكس بنت من شدة خجلي وطول عمرى متفوق وبطلع الأول، حتى في الكلية كنت بطلع الأول على دفعتي وملتزم بالصلاة في المسجد، لكن لما شفتها وقابلتها أول يوم في الدراسة خطفت قلبي وقررت أصارحها بحبى، لكنها رفضتني ورفضت حبى، واعتقدت إنها معندهاش ثقة فيا وإنها ظنت إني غير صادق، ذهبت لأهلها أتقدم لخطبتها، لكنهم رفضوني لأنى طالب، وقالتلي أنت إزاي تتقدملي أصلا، أنت مش في حساباتي ولا عمرى هأحبك ولا هرتبط بك، أنا ليا أحلام وطموحات غيرك”.

وتابع: “قولت أستنى لما أخلص الكلية وأشتغل وأثبتلها حبى، لكن أصحابى اتريقو عليا وقالولى أنت هتفضل خام كدة ملكش علاقات وأى بنت تحب الولد اللي مقطع السمكة وديلها، وفى سنة ثانية شفتها بتتعاكس وكانت خناقة عليها، فأنا دخلت أهزأ الولد لكنه ضربني قدامها، فأصحابى اتريقو عليا وقالولى يا خبتك اضربت قدامها، وقالولى إنى كدا مش هملى عنيها، فروحتلها وقولتها أنا بحبك وبفكر فيكي على طول، وقولتلها أنا مش هسيبك تتجوزى غيرى، ولو اتجوزتى غيرى هقتلك، فضحكت عليا هي وصحبتها وقالولى يا عم روح أنت متعرفش حتى تقتل فرخة”.

وأردف “شعرت بإهانة شديدة ومن يومها فكرت أتغير وأشرب حشيش علشان أكون راجل في نظرها زي ما نصحونى أصحابي وبدأت أطاردها في كل مكان وكنت ببعتلها رسائل عشان تخاف وترتبط بيا لكنها كانت مصرة على موقفها”.

وأضاف: “نيرة كانت من أرق البنات وكانت مؤدبة جدًا والناس كلها بتحبها، فخوفت حد ياخدها منى فقررت أقتلها وكنت عايز أحتفظ براسها عشان أنا كنت بحب عيونها، أنا شربت مخدرات عشان أقدر أقتلها وأثبت للجميع إني مش ضعيف، وبعدين أنا مش ندمان إني قتلتها علشان ربنا عارف أنا بحبها أد إيه، فأكيد هيجمعنى بها، متحكمونيش وحاكموا اللي اتريقو عليا وأهانوني، أنا عايز أتعدم من غير محاكمة، بس ليا طلب بعد ما تعدمونى ادفنونى فى حضنها أرجوكم”.

وفي السياق ذاته، أثناء تمثيل المتهم للجريمة لم يستطيع تمثيلها وقال إنه لا يتذكر كيف فعلها وكل ما يذكره هو أنه كان يريد وجهها فقط لذلك ذبحها وكان يريد فصل رأسها حتى يحتفظ بها، ومثل جريمته بصعوبة.

وكان المستشار النائب العام أمر بإحالة المتهم محمد عادل إلى المحكمة الجنائية؛ لمعاقبته فيما اتهم به من قتل الطالبة المجني عليها نيرة عمدًا مع سبق الإصرار، حيث بيت النية وعقد العزم على قتلها، وتتبعها حتى ظفر بها أمام جامعة المنصورة، وباغتها بسكين طعنها به عدة طعنات، ونحرها قاصدًا إزهاق روحها.

وجاء قرار الإحالة بعد ثمان وأربعين ساعة من وقوع الحادث، كما تم التنسيق مع محكمة الاستئناف المختصة وتحددت أولى جلسات المحاكمة يوم الأحد القادم.

اقرأ/ي أيضًا: ماذا قرر النائب العام المصري بحق قاتل طالبة جامعة المنصورة؟