لماذا قرر الفنان شريف إدريس اعتزال الفن نهائيًا؟
وكالات – مصدر الإخبارية
أعلن الفنان المصري شريف إدريس، عن اعتزال عمله بالفن نهائيًا، من خلال منشور عبر حسابه الخاص بموقع التواصل الاجتماعي “فيسبوك”.
وذكر شريف في المنشور: “بعد 35 سنة سعي وتعب وشقى في الوسط الفني، قررت الاعتزال والابتعاد تمامًا، وتغيير مسار حياتي، وأي حد عنده فرصة سفر ليا هكون شاكر ليه، وده طلبي الوحيد”.
وأوضح أن قرار الاعتزال بعد أن وصلت الأمور في الوسط الفني إلى ما أسماه بـ”مرحلة عبثية”، متابعًا: “وصلت إني بقيت بشوف بعض الزملاء بيشحتوا الشغل علني؛ لأن الشغل بقى متقسم على ناس معينة، فلو الأمور وصلت لكده أبعد أحسن”.
وكشف شريف عن أحد المواقف التي تعرض لها خلال عمله بالوسط الفني، قائلًا: “هحكيلكم موقف حصل معايا من أسبوع.. اتصل بيا حد قالي عايزين حضرتك بكره عندك تصوير في مسلسل كذا بس هتدفع 10% للكاستينج دايريكتور، كان هيجيلي جلطة بعد ما قفلت المكالمة، ووافقت علشان محتاج اشتغل ومحتاج فلوس، مقدرتش استوعب الفكرة، بعد العمر ده مضطر أدفع علشان اشتغل، فاتصلت واعتذرت”.
وأضاف: “طول عمري راضي الحمد لله، بس حقيقي وصلت لمرحلة اكتئاب وصلتني إني بقيت بنام أحلم بكابوس إني بقتل عيالي وبقتل نفسي، وصلت لمرحلة مادية إني مش قادر أصرف عليهم، عندي 3 أطفال، متخيلين حجم المسؤولية، وبقيت مديون لطوب الأرض”.
وتابع: “لو اتعرض عليا بطولات بعد البوست ده هرفضها، لأن البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي، همسح أبلكيشن فيسبوك من تليفوني لأني هنزل أبيع تليفوني أصلا، فانا هاكون متاح أونلاين لحد بالليل، لو حد عنده فرصة شغل وسفر ليا ومش معاه رقمي ياريت يجيبه من اي حد”.
وأردف: “أنا مش محتاج طبطبة من حد، أنا محتاج فرصة سفر وشغل تخليني أعيش ولادي حياة كريمة وبس، هاين عليا أرمي نفسي من البلكونة بعد ماوصلت إني اكتب البوست ده”.
وكان الفنان شريف إدريس، بدأ مشواره الفني منذ أن كان طفلا وشارك في الكثير من الأعمال منها مسلسل “عائلة الأشتاذ شلش” و”رأفت الهجان” و”الجماعة2″ ومسلسل” قصر النيل”.
إقرأ/ي أيضًا: لماذا هدد النجم الكبير محمد صبحي متابعيه؟
